|
|
|
|
Come durante ogni viaggio, assieme ai ricordi si collezionano aneddoti da raccontare agli amici.
Allo stesso modo, nel corso di questi anni, mentre eravamo impegnati a trovare nuovi copioni, studiarne le parti, preparare le scenografie ed esibirci
nei teatri e nelle manifestazioni delle provincie di Reggio, Modena e Parma, anche noi abbiamo raccolto qualche curiosità da condividere con voi.
|
|
 |
|
Come le due poesie che la poetessa vezzanese Lidia Grisanti Pisi ci ha dedicato dopo averci applaudito.
* * * * * * * * *
Gl'impresion 'd na pensioneda dal teater inamoreda
"La boteiga dal scarpolein", 29 maggio 1999
Sabet sira vintenov 'd magg
'n aré mei cherdu 'd redr' acsé tant
un ver trionf... piovran ii ngagg
dop veirov vést, e... piasu tant.
"Coma la vin la vin"... na compagneia
ed personagg 'd na simpatèia rèra
spol dir geniela, la senografèia
ch'l'a culpi tótt al poblich 'gh èra in sèla.
Ona cuseina nèta... gnint da dir
che la Rosina la tgniva pió che bein
e na budghina indòva so mari
per mod ed dir, al feva al scarpolèin.
Un moce d'arneis e formi in dal banchètt
mo voia 'd lavorer... "ndo et andeda"
iste e inveren ló 'l temiva al séch
di biceròt ed vèin despès 'l schicrèva.
'M pariva 'l'vres fer só... rama e toma
i ciold in boca e al martel in man
la piante tri ciold a un tach ed goma
pó 'l se cave l'grumbiel... fines pó d'man.
In tótt la sira l'á conclus collé
mo al ghiva pó un'etra qualite
'l inteva al fiol a fer i compit e... lé
's capiva al vol cmá l'era prepare.
Al problema ch'l'a risolt di pom da tera
mé crèd che l' poblich 'l seia ancor dre reder
al gh'a cate na solusion tant bela
da gnir el losghi a i'oc a forsa 'd reder.
I ciocaman 'd sicur in meia manche
al poblich tóta sira an'á fat etér
si tótt speciel ii propria merite
som ande a cá conteint, grasia a neter.
Na cosa ch'ió noté e ch'mé piasu
ii cate fora paroli dialeteli
che da parecc e n'iva piò sintu
speròm dabon che n'végnen mèi scordédi.
Lase che faga ancora un cumplimèint
a chi a crèe ch'l'ariam 'd senografèia
cun ch'l'a stuvina 'd ghisa, d'eter teimp
e l'San Svanein cm'arcord, ghiva in cá méi.
A la regesta e a tótt i'iator un Brev
ii tire só 'l morèl 'd chi liva a tèra
e si simpatich, otr'eser brev
si fat paser dabon... na sìra bela.
torna su
* * * * * * * * *
" 'Na cá seinsa copp' ", 19 aprile 1997
"Brev ragas", e val voi dir
sol acsé pos cumincer,
perché a teater in avril
e v'sun gnuda a guarder.
An n'é meia 'na sviolineda,
mo le sol la verité,
da quand v'ho vest la prema volta
eter che... se si cambié.
Cost l'é anca dimostré
che la sira dal desnov,
se ghi properia badé
al teatre pin cme 'n ov.
Quand a s'é vert al sipari,
m'ha colpì la senografèia;
sun torneda indré in dal teimp
in d'una ciseina cme la meia.
Mentalmeint v'ho ringrasié
pr'al ricord chi fat rivever
a tot qui d'na certa eté
a anch perché e si fat rédèr.
M'é piasu Tognet,
specialmeint 'na so espression,
che 'na volta edgiven spes,
"Te t'é propria un bambason".
Cumplimeint a la Fidelma
per la so spontaineté
e per la naturalesa
che a reciter l'ha dimostré.
Brév tot quant, e, second mé,
si pront per parteciper
a la rasegna teatrela
c'as fa a Vsan, da otober a mers.
Se la vostra compagneia,
tota sira han picé al man
a vol dir cl'é colaudeda
e cl'ha superé l'esam.
E si ator bein asortì,
brev, simpatich, afiaté
e cun la regesta ec ghi
al suces l'é asicuré.
|
|
|
|
|
